Tungkol sa Manunulat

My photo
Premyadong manunulat sa Kinaray-a, Filipino, Hiligaynon, at Ingles si JOHN IREMIL E. TEODORO na tubong-San Jose de Buenavista, Antique. Ilang beses nang nanalo ng Carlos Palanca Memorial Awards for Literature at ng National Book Award mula sa Manila Critics Circle at National Book Development Board. Associate Professor siya ng wikang Filipino, literatura, at malikhaing pagsulat sa College of Arts and Sciences ng Miriam College, Lungsod Quezon. Nagtapos siya ng M.F.A. Creative Writing sa De La Salle University-Manila kung saan siya nag-aaral ng Ph.D. in Literature sa kasalukuyan. Kilala rin siyang kritiko ng Literaturang Hiligaynon. Nakatira siya ngayon sa kaniyang maliit ngunit makulay na bahay sa Rosario, Lungsod Pasig.

Friday, April 15, 2011

Sa Isang Harding Restawran sa Lungsod Baguio


Maliit ang anghel na may dilaw na pakpak
Ang malanding lumilipad-lipad
Sa tabi ng upuan kung saan ako nakasalampak.
Walang pakialam ang mga nilalamig na halaman
Na gusto nang matulog at managinip na lamang.
May isang pangalang pilit na isinasayaw
Ng mga impertinenteng punong pino.
Nambabastos ang nagyeyelong halik ng hangin.
Banal ang lungkot na parang ulop na bumabalot
Sa kaluluwa kong sa pagtula ay hindi napapagod.


-J.I.E. TEODORO
 15 Abril 2011 Biyernes
 4:19 n.h. Camp John Hay

2 comments:

  1. In A Garden Restaurant (Baguio City)

    ~ translation by Luisa A. Igloria
    http://www.luisaigloria.com


    A cherub with yellow wings
    flies beguilingly
    beside the chair where I am sprawled.
    The plants, chilled by the air,
    only want to sleep or dream.
    The impertinent pines toss one
    name over and over in their arms.
    The wind's icy kiss is vulgar.
    Only melancholy wraps its sacred shroud
    around my soul that will never be weary of poetry.

    20 April 2011

    ReplyDelete
  2. Maraming salamat, Luisa! Mahal na mahal kita. Ingat lagi.

    ReplyDelete

Note: Only a member of this blog may post a comment.