Bagong Tulang Baguio

Pagsagap kay Bul-ol

(Para sa abyan ko nga si Genevieve Asenjo nga gusto sulatan ko kang sugpon ang una nga binalaybay nga ginsulat ko rügya sa Baguio nga “Si Bul-ul, ang mga Pine Tree, kag ang Kabulakan kang Baguio”)

Sa BenCab Museum sa Dalan Asin

Nasalapuan natün ang rakü nga mga bul-ol

Nga nabütang sa mga estante.

Ang mga bul-ol maalwan nga bantay

Kang mga baranggay rugya sa kabukidan

Kang mga bulak kag agoho.

Kahapon sa sangka tindahan sa Mile Hi

Nakabakal ako kang gamay nga bul-ol

Sa presyo nga PhP 350.00.

May gahüm pa bala ang mga diyos

Nga may nakabütang nga presyo?

Paano abi kon ang mga payaw

Ginhimü rün nga malapad nga siripalan

Kang manggadan nga mga dumuluong?

Paano kon ang hüram nga pagpalangga

Mahimu baklün sa Burnham Park

Hay hilway dya nga ginalibüd?

Paano kon nadiskubre ko rün ang kamatuoran

Nga ang panit kang mga pine tree

Makapilas kon akün küpküpan?

Paano kon wara gid man gali it birtud

Ang atün dara nga luy-a halin sa Antique

Hay lain tana nga linahi kang diyos

Sa kabukidan kang Panay

Sangsa kabukidan kang Kordilyera?

Masarigan ta ayhan ang atün mga binalaybay

Sa pagluwas sa atün lawas kag kalag

Sa tanan nga katalagman?

Sülnga ang nagayühüm nga adlaw

Nga nasaka sa mga dahon kang pine tree.

Hinay-hinay kadya nga ginapara

Ang maramig nga paghigugma kang ambon.

Dali, abyan ko, kapti ang akün alima.

Latasün ta ang nabilin pa nga kalagtüm

Kang maambüng natün nga kalibutan.

-J.I.E. TEODORO

 16 Abril 2011 Sabado

 8:14 t.a. Camp John Hay

Paghahanap kay Bul-ol

(Para sa kaibigan kong si Genevieve Asenjo na gustong sulatan ko ng karugtong ang unang binalaybay na sinulat ko dito sa Baguio na

 “Si Bul-ul, ang mga Pine Tree, at ang mga Bulaklak ng Baguio”)

Sa BenCab Museum sa Kalye Asin

Natagpuan natin ang maraming bul-ol

Na nakalagay sa mga eskaparate.

Ang mga bul-ol ay mapagbigay na bantay

Ng mga baranggay dito sa kabundukan

Ng mga bulaklak kag punong pino.

Kahapon sa isang tindahan sa Mile Hi

Nakabili ako ng maliit na bul-ol

Sa halagang PhP 350.00.

May kapangyarihan pa kaya ang mga diyos

Nga may nakaatang na presyo?

Paano kaya kung ang mga payaw

Ginawang nang malawak na palaruan

Ng mga banyagang mayaman?

Paano kung ang panandaliang pagsuyo

Maaaring bilhin sa Burnham Park

Dahil malaya itong inilalako roon?

Paano kung nadiskubre ko ang katotohanang

Ang balat ng mga pine tree

Nakasusugat kung akin itong yayakapin?

Paano kung wala naman talagang birtud

Ang ating dalang luya mula sa Antique

Dahil iba ang lahi ng mga diyos

Sa kabundukan ng Panay

Kaysa kabundukan ng Kordilyera?

Maaasahan pa ba natin ang ating mga binalaybay

Na iligtas ang ating katawan at kaluluwa

Sa lahat ng kapahamakan?

Masdan mo ang ngumingiting araw

Na umaakyat sa mga dahon ng pine tree.

Hinay-hinay nitong binubura

Ang malamig na paghigugma ng ulop.

Halika, kaibigan, hawakan mo ang aking kamay.

Lakbayin natin ang naiwan pang luntian

Ng maganda nating kalibutan.